ആശ്ചര്യ ചൂഡാമണീ
അനുരാഗപ്പാൽക്കടൽ കടഞ്ഞു കിട്ടിയോ
രാശ്ചര്യ ചൂഡാമണി
ആരു  നിൻ സീമന്തരേഖയിൽ
ഈയൊരു ചാരുകുങ്കുമ ലത പടർത്തീ  (ആശ്ചര്യ...)

ചൂടുള്ള നിന്റെ സ്വയം പ്രഭാനാളത്തിൻ
ചുറ്റും പറന്നൂ ഞാൻ
നിൻ അഗ്നികിരീടത്തിൻ
നെറ്റിക്കനലിലെൻ
നഗ്നമാം ചിറകിനു തീ പിടിച്ചൂ  (ആശ്ചര്യ...)


മൂകമായ്  നിന്റെ ജ്വലിക്കുന്ന സൗന്ദര്യം
മോഹിച്ചിരുന്നൂ ഞാൻ
എൻ ചത്ത ദൈവത്തിന്റെ
കൈയ്യിലെ കല്‍പ്പൂവിനെത്ര നാൾ വെറുതേ
ഞാൻ തപസ്സിരുന്നൂ (ആശ്ചര്യ...)