കാറ്റിനു കുളിരു കോരി
കടൽക്കിളി കാട്ടാറിൽ കുളിച്ചു കേറി
പ്രേമിക്കുംതോറും മുഖശ്രീ കൂടുമെൻ
കാമുകിയൊരു ദേവതയായി (കാറ്റിനു...)

സ്വപ്നങ്ങൾ ഇണ ചേരും
യുവമാനസത്തിലെ
സുകുമാരകവിതയല്ലേ
നീയെന്റെ സ്വർഗ്ഗാനുഭൂതിയല്ലേ
കളിമൺ കമണ്ഡലുവിൽ
പ്രേമതീർത്ഥവുമായ്
കാവിവസ്ത്രമുടുക്കുന്ന മേഘമേ
കവിയോ ദേവനോ പറയൂ
ഈ ജന്മം മുഴുവനും കാമുകരല്ലേ
ഞങ്ങൾ കാമുകരല്ലേ (കാറ്റിനു..)


മാമ്പൂവിൻ മദമുണ്ണും ഋതുസംഗമത്തിലെ
മലയാളി മൈനയല്ലേ
നീയെന്റെ മാർ മൂടും പീലിയല്ലേ
അരയിൽ മണിത്തുടലിൽ
അഗ്നിപുഷ്പവുമായ്
ആറ്റിറമ്പിൽ നിൽക്കുന്ന മേഘമേ
വിധിയോ വേടനോ പറയൂ
വീണ്ടും നീ ശരമെയ്തൂ
വേർപിരിക്കല്ലേ
ഞങ്ങളെ വേർപിരിക്കല്ലേ(കാറ്റിനു..)